Finlandimiut meerartaat naatitartunngippallaarput
Illoqatigiit isertitaqassusaat apeqqutaalluni meeqqat nerisaat assigiinngissuseqartut nalunaarusiami aamma paasineqarpoq. Tassa pissaqarnerit nerisaat pissakilliornernut sanilliullugit, peqqinnarnerusarmata.
Ungarnimi pissutsit kisimik Finlandimit ajornerusut nalunaarusiap aamma takutippaa, tamannalu eqqumiigineqarpoq, tassami Finlandimi atuartut akeqanngitsumik ulloqeqqasiortinneqartarmata.
Pissutsit imminnut assortuunnerat professor Lasse Kannasip Yvaskylami universitetimeersup ilisimaarilluarpaa.
Akit qaffasippallaarnerat peqqutaalluni meeqqat naatitartunngippallaarlutillu paarnartunnigpallaartut, Lasse Kannas Icenews.is-imut oqarpoq.
Taamaattumik akit appartinnissaat siunnersuutigisinnaallugu oqarpoq.
Nukappiaqqat 15-inik ukiullit 14 procentii kisimik ullut tamaasa naatitartortartut misissuinerup aamma takutippaa. Naatitat 500 grammit ullormut nerineqartarnissaat innersuussutaavoq.
