Finlandimi aallassit ajornanngittut

Finlandimi angut inuusuttoq 18-ninik ukiulik ippassaq inuit arfineq pingasut toqoriarlugit imminorpoq. Angut inuusuttoq 18-ninik ukiulik aallaanniartartut peqatigiiffianni ilaasortaavoq. Sapaatit akunnerillu pingasut qaangiuttut sakkoqarnissamut akuersissumik pisimavoq. Taamalilluni ajornanngivitsumik aallaasimik pissarsisinnaasimalluni.

Finlandimi naalakkersuisut tusagassiuutinut nalunaarutigisimavaat sakkunut inatsi misissoqqinniarlugu.

Nunarsuarmi innuttaasut agguaqatigiisissagaani aallaaseqarfiunerpaatut Finland pingajuuvoq. Finlandimi innuttaasut affaat sinneqartut tassa 56 % tii aallaaseqartut naatsorsuutigineqarpoq.

Inuusuttoq 15-nilereersimasoq Politiinut qinnuteqarsinnaavoq aallaaseqarnissaminut akuersissummik perusulluni.

Qinnuteqartullu aallaasitaarnissaminnut peqqutigigunikku aallaniarnissaminut atortarniarlugu imaluuniit aallaaniartartut peqatigiiffianni ilaasortaallutik, ajornanngivissumik aallaseqarnissamut akuersissummik pisinnaaput.

Inuusuttuaqqattaaq 15-niliisimanngitsut aamma aallaaseqarnissaminnut qinnuteqarsinnaapput. Tassa pineqaatissinneqarsimanngikkunik tarniluuteqaratillu aallaasitaarnissaminnut politiiniit akuersissummik tunineqartarput.