Filmit qulingiluat nersornaasiinissamut innersuunneqarput
Nunat Avannarliit Siunnersuisoqatigiiffiata filmiliortunut ukiumoortumik nersornaasiuttagaat pissarsiariniarlugu unammiuaartoqalerpat Kalaallit Nunaannit Savalimmiunilluunniit peqataasoqassanngilaq.
septembarip 17-at 2007 15:43
Filmit katillugit qulingiluat Nunat Avannarliit Siunnersuisoqatigiiffiata 2007-imi nersornaasiinissaanut peqataasussatut toqqarneqarput.
Islandimiit filmit marluk peqataatinneqassapput, siulleq tassaavoq Ragnar Bragason ilitsersuisoralugu filmiliaq, ”Børn” aappaalu tassaalluni Baltasar Komákurip ilitsersugaa ”Jar City”.
Filmi oqallisaaqisoq, ”AFR”, Morten Hartz Kaplersip ilitsersuiffigisaa, filmiuvoq ilungersunartunik pisimasuvinnillu tunngavilimmik imalik, aamma Erling Jepsenip atuakkiaa ”Kunsten at græde i kor” tunngavigalugu Peter Schønau Foghip filmiliaa Danmarkimit peqataatinneqassapput.
