Filmit arfinillit tapiiffigineqarput

Filmiliornissamut 1,5 millioni koruuninik Kultureqarnermut, Ilinniartitaanermut, Ilisimatusarnermut Ilageeqarnermullu Aqutsisoqarfik 2009-mi filmiliornermut aningaasaliissutinit tapiissuteqarpoq.

Filmit katillugit arfinillit aningaasanik tapiiffigineqarput.

3900 Pictures ApS assigiinngitsunut pingasunut aningaasaliiffigineqarpoq. Filmip "Nuummioq"-p inaarsarnissaanut aningaasaliisoqarpoq, soorlu aamma filmip piviusunngortinneqarnissaa pillugu piviusulersaarummut aningaasaliisoqartoq.

Filmi alla "Eksperimentet", Nimbus Film peqatigalugu filmiliaq aamma aningaasaliiffigineqarpoq.

Anda Hansenip piviusulersaarutigalugu filmiliaa "Qilalugarniaq" aningaasaliiffigineqarpoq.

Soorlu aamma filmi piviusulersaarut "Kalaallit Nunaat", Randi Brobergimit Morten Hansenimillu suliaq tapiiffigineqartoq.

Margrethe Thaarup Knudsenip piviusulersaarutitut filmiliaa "Arnat qivittut akiniaanerlu pillugit oqaluttuat" aningaasanik tapiiffigineqarpoq.

Tapiissutit 50.000 aamma 550.000 koruunit akornanni annertussuseqarput.

Qinnuteqaatit katillugit 13-iusut akornanni qinnuteqaatit arfineq-marluk itigartinneqarput. Itigartitsisoqarsimaneranut filmiliarineqarniartut siunertamut naapertuutinnginnerat imaluunniit missingersuutit isumaqatigiissutillu tutsuiginannginnerat tunngaviupput.

Kulturikkut aningaasaliissutissanik qinnuteqarnissamut ulloq killissarititaasoq tulleq tassaavoq septembarip ulluisa 15-iat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat