Filmiliortut RAL-imit tapiiffigineqarput
- Otto Rosing aamma Mikisoq H. Lynge filmiliornermik misilittagaqarluartunik katersuutitsipput, taamaattumik suliniut immikkuullarissoq Kalaallit Nunaannullu muteerniusoq pillugu pingaarutilimmik oqaluttuartoq tapersersorusupparput, taamaalilluni filmiliornerup silarsuaani misilittagaqalernerq ineriartorniassammat, filmillu inerneriumaagassaa qilanaarilereerparput, taama Royal Arctic Line A/S-imi nittarsaassinermi pisortaq Ivalo Egede oqarpoq.
”3900 Pictures aps”-ip pisortaa Mikisoq H. Lynge tamanna pillugu aammattaaq qujamasuppoq.
- Tapiissutigineqartut iluaqutaassaqaat, tamannalu filmiliariniakkatsinnut paasinninnermik imaqarpoq, tassami filmiliorneq suliarujussuuvoq qanimullu suliffeqarfinnik innuttaasunillu suleqateqarnissaq pisariaqaqaluni, Mikisoq H. Lynge ilaatigut taama qujaniarluni oqarpoq.
