Filmiliaq nersornaasigassatut piukkuppaat

Kalaallit Nunaanni eqqumiitsuliornermik piorsarsimassutsikkullu suliaqartut pillugit filmiliaq "Ilumoorneq, Neriunneq Kalaallit Nunaallu", Nunat Avannarliit nunallu baltikkimiittut filmiliaasa nersornaasiuttagaannut, Nordic Filmadaysimut innersuunneqarpoq.
Allattoq Jaaku Lyberth
septembarip 24-at 2009 08:35

Filmimik ilitsersuisuuvoq Ivalo Frank, Kalaallit Nunaanni inunngortoq USA-mi Paraguayimilu peroriartorsimasoq. Filmimi

isiginnaarneqarsinnaapput, Kalaallit Nunaanni eqqumiitsuliornermik kulturikkullu suliaqartut.

Nunat Avannaarliit nunallu Baltikkimiittut filimiliaannik takutitsineq torrallataanerpaanillu nersornaasiineq Tysklandip avannaani illoqarfimmmi Lübeckimi ukiut tamaasa ingerlanneqartarpoq. ukiormanna novembarip ulluisa sisamaanniit arfineq-pingajuata tungaanut filminik takutitsisoqassaaq tassalu Ivalo Frankip filmiliaa Tro, Håb og Grønland piffissami tassani takutinneqassalluni.

Filmiliaq taanna Københavnimi unnuk kulturisiortoqarnerani Kalaallit Illuanni aammalu Nunat Avannarlit illuutaanni Nordatlantens Bryggemi takutinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq