Filmiliami nunarput pingaarutilimmik inissisimasoq

Filmip Skyttenip imaa pillugu Det Danske Filminstitutimit ima allattoqarpoq.

Filmimi pineqartoq tassaavoq, Danmarkimi naalakkersuisut nutaat, naak qineqqusaarnerminni avatangiisit illersorneqarnissaannik pingaartitsiniarlutik neriorsuereeraluarlutik, qallunaat Amerikamiullu uuliasiortitseqatigiivinik, Tunup avannaani pinngortitami mianernartumi uuliamik qillerinissamut pilersaarummik tapersersuilernerat.

Nunatsinni uuliasiornissamut pilersaarutit oqallisaasorujussuanngorneranni tusagassiortup politikkikkullu oqaaseqartartup Mia Moesgaardip, isiginnaartitsisartumit Trine Dyrholmimit inuuttaaffigineqartup, naalakkersuisut akisussaasuusut, inuinnaat naalakkersueqataanerannik malinnikkumanngitsutut pisuutippai. 

Tv-kkut toqqaannartumik oqallinermi Mia Moesgaard oqarpoq, uuliasiorluni qillerniarneq mianernaqisoq unitsinniarlugu innuttaasut ataasiakkaat  iliuuseqassappata, allaammi peqqarniisaarnikkut uuliasiorniarneq unitsinniarneqassagaluarpat, nammineq eqqumiiginaviarnagu.

Filimimi inuttaasut ilaata Rasmusip, Kim Bodniamit inuttaaffigineqartup oqaatsit taakku maluginiarluarpai.
Taamallillutillu suleqatigiinnerat aallarnerneqarpoq.

Tusagassiortoq allattarpoq. Taannalu oqaasiinik piviusunngortitsisarluni.
Qanoq inerneqarumaarnera aappaagu februaarip 23-anni filmi takuteqqaarneqarpat paasineqarsinnaassaaq.