Filmi “Our Arctic Challenge” Cannes-imi ilaasussanngorpoq
Filmi “Our Arctic Challenge”, Tasiilami eqqaanilu siorna SIKU Arctic Challenge-rtoqarmat filmiliaasoq, piviusulersaarutinik Cannes-imi apriilimi festivalertoqalerpat ilaasussanngorpoq.
Allattoq Louise M. Kleemann
februaarip 15-at 2008 06:35
Filmi arpannerup nalaani immiunneqaraluartoq, timersornermut tunngasuunngilaq, silalli pissusaanut tunngasuulluni, taama oqarpoq arpannermi aaqqissuisuusoq, Anders Stenbakken, tusagassiuutinut nalunaaruteqarluni.
TV-qarfiit kiffartuussinermik suliallit nunarsuatsinni annersaata ilaat, IMG World, suleqatigissallugu SIKU Arctic Challenge-p maanna isumaqatigiissuteqarfigisimavaa, IMG World nunani 29-ni allaffeqarfeqarpoq.
TV-qarfissuup filmi ”Our Arctic Challenge” sallersat ilaattut saqqummiunniarpaa, tassa Cannes-imi apriilip arfineq-aappaanniit aqqarngata tungaanut piviusulersaarutinik festivalertoqalerpat.
