Filmi: The Prize of The Pole nunatsinni takuteqqaarneqarpoq

Filmi piviusulersaarut ”The Prize of The Pole” ippassaq Katuami takuteqqaarneqarpoq. Filmimi oqaluttuarineqarpoq avanersuarmiuaraq nukappiaraq Minik angunni allallu avanersuarmiut peqatigalugit Amerikamut aallartitaasimanerat, kingornalu Miniup marloqiusatut inuuneqalersimaneranik oqaluttuarineqarnera.

Filmimi pingaarnertut inuttaasoq Robert Peary II aperaarput, filmip nunatsinni takuteqqaarneqarnera qanoq igineraa.

- Nuanningaarmat oqaatsilluunniit inugaannik oqaatigisariaqarpoq, naak allani nunani takutereeraluarlutigu maani takutittussanngoratsigu nuannernerpaatut pissanganarnerpaatullu misigaarput. Tassami filmi taakkununnga sammiveqarpoq, Robert Peary II oqarpoq.

Aperaarput sooq nunatsinni takutinneqarnissaa pissanganarnerpaasimanersoq.

- Immaqa tamaani Minik nalunnginneqarnerummat aammalu oqaluttuassartaa tusaamaneqarnerullunilu oqaluttuariaaseq nalunnginneqarnerummat, aammalu nuna ilisarisimasaq takutikkatsigu. Minnerunngitsumillu inoqatertik (kalaaleqatertik) qanoq pineqarsimanersoq oqaluttuap oqaluttuarineqarnerani misigisinnaanerummassuk, Robert Peary II oqarpoq.

Filmi Ilulissani Qaanaami Siorapalummilu aamma takutikkiartorneqassaaq.