Filmi "Nuummioq" Cannes-imi tuniniarneqassaaq

Filminik avammut tuniniaasarfik The Works International ukioq 1986-imiilli filmit nuannarineqartut iluatsittumillu suliarineqartut, nunanut tamalaanut tunisarpai, kingullertigut filmi piviusumik aallaaveqartumik filme-liaq "The Cove" filmit torrallataanerpaat Oscari-mit toqqarneqarmata ajugaasunut ilaasoq, pisiaraa. Filminik siaruarterilluni tuniniaaviup The Works Internationalip maannakkut suliassarilerpaa filmip Nuummiup Frankrig-imi Cannes-imi nunat tamat filme-nik takutsitsisaqattaarluni tuniniaasoqarnerani nunarsuarmiunut tuniniarnissaa. The Works Internationalip pisortaata Carl Cliftonip filmip Nuummiup tuniniarnissaanut naammagisimaarpoq. Filme Nuummioq kusanartumik suliaavoq immikkullu illuinnartuulluni. Filmip suliarineqarnerani arlalinnik nutaaliortoqarpoq, taamaattorli skandinaviamiut filmilioriaasiat iluatsittumik atorneqartartoq filmimi Nuummiumi takutinneqarput. Filme Nuummioq nunarsuarmi tamarmi isiginnaarneqarnissaa siunertaralugu suliaavoq. Filmiliorneq aningaasartuutigissallugu iluatsittuaannarneq ajorpoq, maannamullu misilittakkat takutippaat nunarsuarmiunut takutinneqartarnera akilersinnaalluartoq Mikisoq Lynge filmip tuniniarneqarneranut suliaqartoq oqarpoq.