Filippinerit Canadap avannarpasinnerusortaanut nuuttartut amerliartortut
Canada assigiinngitsunik kulturillit nunagaat, nunap inuiisa saniatigut nunarsuup sinneranit nunasiffigineqarsimalluni. Maannalu aamma nunap avannarpasinnerusortaani issinnerusortaanilu inuiaqatigiit allanngoriartornerat takuneqarsinnaalersimavoq.
januaarip 27-at 2014 07:58
Canadami kisitsisitigut paasissutissat nutaat takutippaat, nunap immikkoortuini pingasuni Nordvestterritoriami, Yukonimi Nunavummilu filipinerit maanna 3000-it missaanniittut. Nunat immikkoortuinut nunasisut allamiut maanna amerlanerpaartarilersimallugit.
Filippinerinit nunasiartortut nunap immikkoortuini taakkunani inuuneq nuannaraat, akissarsiarissaartinneqartaraamik aammalu inuiaqatigiinni tamakkiisumik akuersaarneqaramik.
Nunatsinnitullu, neriniartarfinni akunnittarfinnilu suliffeqartarput. Filippinerit Canada tamakkerlugu katillugit millionip affaasa missaanniipput.
