Filippinerini upalungaarsimapput
Taamaammat Filippinerini sakkortunerpaamik upalungaarsimapput. Qeqertat ilaat innaallagiaqanngillat, qaqorteqqasunillu naatitsisartut naatitaat sequmipput.
Kinami Vietnamimilu maanna najummatserput, ulussaarsuarmi kimmut ingerlaarmat. Kinap kujasissuani innuttaasut 100.000-init amerlanerusut aasaq qarsutsinersuaqallarmat qimagussorneqartariaqarsimapput.
Ulussaarsuaq sialussuartaqarmat, nunalu sisoormat, Kinami ernumasorujussuupput.
Ulussaarsuaq Megi kategori 5-imiittoq, nalunaaquttap akunneranut 250 kilometerinik sakkortussuseqarluni Filippinerit aqqusaarmagit ulussaarsuarmit aatsaat taama sakkortutigisumik ukiuni sisamani kingullerni nalaanneqarput.
Filippinerit avannarpasissuannut timmisartornissat tamarmik taamaatinneqarput, umiarsuillu umiarsualivinniit avalaqqunagit qinnuigineqarlutik.
Filippinerini illoqarfiit pingaarnersaanni, Manilami, nerisassanik nakorsaatinillu eqqanaarsareerput, aamma annaassiniutinik, soorlu umiatsianik pullattakkanik eqqanaarsarlutik.
