Filippinerini sakkutuujunngitsut 46-t toqutaapput
Sakkutuujunngitsut 46-t toqutaasimasut maanna nassaarineqareerput, taakku angutinit sakkulersorsimasunit illoqarfimmi Maguindanaoimi ippassaq aallarunneqarput.
Taakku nunap immikkoortuani guvernørimik qinersinissamut aappagu maajimi pisussami, qinigassanngortitassaminnik nalunaaruteqarnialersut aallarunneqarput.
Toqoraaneq pissutigalugu naalagaaffiup ilaani tamaani sakkortuumik aqutsisoqalernera præsidentip nalunaarutigaa.
Naalagaaffiup ilaani tamaani maannakkut guvernøriusup paarsisui toqoraasimasutut pasineqarput.
Tusagassiortut ikinnerpaamik aqqaneq-marluk toqutaasunut ilaapput.
- Ullormi ataatsimi tusagassiorfiit aatsaat taamak amerlatigisunik tusagassiortunik annaasaqarput, Tusagassiortut nunarsuarmi sumiluunniit tusagassiorsinnaasut Suleqatigiiffiat taama nalunaaruteqarnerarlugu, tv-qarfimmit CNN-imit issuarneqarpoq.
