Nunanit allanit

Filippinerini ajunaartut nalunaarsorneqartut amerlisut

Anorersuarujussuuaq Mangkhutip Filippinerineereernernit ajunaartut nalunaarsorneqartut maanna 49-uusut politiit paasititsipput.
Oprydning på militærbase efter tyfonen Mangkhut.
Assi © : Official U.S. Navy Page/All creative commons/flickr
Allattoq Ritzau
septembarip 16-at 2018 12:05
Nutserisoq Ane-Marie Petersen

Anorersuarujussuaq Mangkgut Filippinemeereerluni Kinap kujataatungaanut tiimimut 230-nik sakkortussuseqarluni ullumi annguppoq.

Kinami anorersuarujussuaq aatsaat taama sakkortutigisumik ukioq manna nalaassisoqarpoq.

Inuit 49-t anorersuup Mangkhutip Filippinerineereerneranit ajunaarput. Politiit taama nalunaaruteqarput.

AAMMA ATUARUK Filippinerini tyfoni ajoqusiingaatsiartoq

Kinap kujasissuani inuit millionit affai pallillugit qimagutiterneqarput. Hong Kongimilu inuit angerlarsimaffimminnit aninaveersaaqqullugit silasiuut kaammattorpaat.

Anorersuarujussuaq tiimimut 100 kilometerisut sakkortutigaluni Hong Kongimut aqqusaarmat sialussuarmik nassataqarpoq, orpiit tingitaasimapput igalaarpassuillu aseruatiterlutik.

Anorersuarujussuarmit inuit 100-t ajoqusertitersimasut nalunaarutigineqarpoq.

 

/ritzau/

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq