FIFA-mut ilaasortaasinnaanissarput ujartorpaa

Nunat minnerit arsaattartui kattuffissuarnut peqataatinneqarneq ajorput, Kalaallillu Nunaat tamatumunnga takussutissaalluarpoq. Tusagassiortoq Steve Menary atuakkiamini ”Outcasts!”-imik taaguuteqartumi taama allaaserisaqarpoq.
Allattoq Mads Lynge
decembarip 17-at 2007 12:11

Nunatta kattuffissuarmut FIFA-mut ilaasortaatinneqannginneranut Danmarkimi arsaattartut kattuffiat Dansk Boldspil Union, DBU, pissutaatinniarneqarpoq, Sermitsiaq nittartakkamini taama allaaserinnippoq.

Danmark aamma Savalimmiut kattuffissuarnut FIFA-mut UEFA-mullu ilaasortaapput, Kalaallillu Nunaat ilaasortaanani.

Kalaallit Nunaat nunat tamat arsaattartuisa kattuffiinut ilaasortaatinneqalernissaa DBU-p sulissutigisariaqaraluarpaa. Naalagaaffeqatigiit sinnerlugit tamanna pissusissamisuuginnarpoq, Steve Menary allappoq.

Kalaallit Nunaanni Timersoqatigiiffiit Kattuffianni siunnersortip, Jens Brinchip, isornartorsiuineq taperserpaa.

- Nunat unammerusutagut unammisarpagut, DBU-minngaanniilli tapersersorneqarnissarput ujartorparput, Jens Brinch oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq