FIFA-mit aningaasaliisoqarnissaa neriuutigineqarpoq
Sepp Blatter nunarsuatsinni timersornermi sunniuteqarnerpaanut ilaasoq,
Afrikap Kujataani naalagaaffimmi Sydafrikami aasaru VM-eqareerpat, Ilulissanut, Nuummut aamma Qaqortumut juulip 19-ianniit 21-annut tikeraassaaq.
- Nunatsinni arsaannikkut ineriartortitsinermut aamma illoqarfinni assigiinngitsuni ivigaasaaqqanik arsaattarfiliortitsinissamut iluaqutigisinnaavarput, Nuka Kleemann oqarpoq.
Illoqarfinni assigiinngitsuni ivigaasaaqqanik arsaattarfeqalernissamut FIFA-mit aningaasaliisoqarnissaa, Timersoqatigiit kattuffiannit neriuutigineqarpoq.
- Nunatta namminerisaminik FIFA-mut ilaasortanngorsinnaanissaa GBU-mit qangalili kissaatigineqarpoq, kisianni nunarput suli stadioneqarnanilu ivigaaraasalinnik arsaattarfeqanngilaq, Nuka Kleemann oqarpoq.
Sepp Blatter Aljazeeramut oqarpoq, Kalaallit Nunaanni arsaannermik pissartanngorniuttoqarsinnaanera tupinnartuusoq, tassami taavani avannaarsuani ulluunerani taamaallaat nalunaaquttap akunnerini sisamani qaamasarmat.