FC Nanoq strafferluni VM-ertoqarnerani takutitsilluartoq
Københavnimi kalaallit arsaattartui nunarsuarmi straffimik isertitsiniaanermi unamminermi unammeqataapput.
Allattoq Nina-Vivi Andersen
FC Nanoq, kalaallit Københavnimi arsartartui, nunarsuarmi straffimik isertitsillaqqinnerpaat normu 32-ullutik inississimapput.
Københavnimi kalaallit arsaattartui nunarsuarmi straffimik isertitsiniaanermi unamminermi unammeqataapput. Unammisitsineq DBU-mit Dansk Boldspilunionimillu aaqqissugaavoq. Kalaallit marlukkuutaarlutik agguataarsimapput, affai FC Nanormi affaalu Kalaallit Nunaata erfalasuanik erfalasulerlutik unammeqataallutik. Eqimattat kingulliit taaneqartut 16-dels finalimut anngussimapput.
Kalaallit amerlasuut Fælledparkimi, tassa arsaaffimmi, illersuiartorlutik takkussimapput, nuannattorpassuusimallutillu.
Ajoraluartumillu kalaallit isertitassat pingaarnerit isertinngitsoortarsimavaat taamaasilluni målmandiat aamma Mads Mathiassen taamaallaat unamminerup naalernerani isertitsillutik.
- Nuanneqaaq peqataalluni, isiginnaartunit illersorneqaqigatta tupaallannaqaaq. Kalaaliunngikkaluartulluunniit aamma illersuipput, Mads Mathiassen FC Nanormeersoq ilaatigut taama oqarpoq.
Taassumalu kalaallit ukiut sisamat qaangiuppata nukittunerullutik takutitsinissaat neriorsuutigaa.