FC Nanoq serie 4-mut annguppoq
FC Nanoq serie 5-imi nr. 2-nngorput, serie 4-milu aappaagu unammeqataasussanngorlutik.
FC Nanoq 57-inik pointinnapput 134-nillu isertitsisimallutik, unammisaat 34-nik isertitaqartut, taamaalillutik Københavnimi seriani tamani unammisartut eqqaassagaanni FC Nanoq isertitsinerpaasimavoq.
Aputsiaq Lennert ukioq manna isertitaqarnerpaajulluni 23-nik isertitsisimavoq, kalaallillu inuiattut arsaattartuini siuttuusimasoq, B-67-imiissimasoq Jan Nielsen, ukioq manna arsaattartutsialattut qinerneqarpoq.
FC Nanoq taamatut ingerlalluaannassappat, ukiut tamaasa qaffakkiartuaarluni, taava Kalaallit Nunaat 2014-imi Superligamiititaqalissaaq.