Nunatsinni arnat assammik arsartartuisa Faxe Cup-eqartarnerat ukiuni 15-inngortorsiorpoq. Tassungalu atatillugu Danmarkimi ligalandsholdit Lyngby HK-lu nunatsinnut tikisinneqarput.
Ippassaq unnukkut GSS-ip Aqissiallu assammik arsarneq Nuummi inussivimmi aallarnerpaat.
Faxe Cup-ip ukiunik 15-inngortorsiorneranut atatillugu, Lyngby HK, unamminernut qaaqquneqarsimavoq. Aamma illoqarfiup Lyngby-p, Nuuk illoqarfittut ikinngutigaa.
Taakkuinnaanngillalli, aamma ligalandsholdit aggersarneqarsimapput.
Ligalandsholdit tassaapput, kalaallit arsartartui danmarkimi najugaqarlutik danskit klubiinut ilaasortat, taakkualu aappassaanik nunatsinnut tikisinneqarput.