Falklandip qeqertai uulialerngusaaffiulerput

Falklandip qeqertai, Tuluit Nunaata Argentinallu qanga assortuussutigisagaat, kingumut tusarsaalerput. Qeqertat avataanni immap naqqani uuliamik nassaarnissamik neriuuteqarlutik tuluit misissuisimammata assortuunneq aallarteqqittoq tusagassiorfinnit arlalinnit ilisimatitsissutigineqarpoq.
februaarip 23-at 2010 10:34

Immami qeqertanut qanittumi qanoq uuliaqartiginersoq suli ilisimaneqanngilaq, taama nutaarsiassaqartitsiviit arlallit nalunaarput.

Tuluit Nunaanni aviisimi The Independentimi allaaserisat naapertorlugit isumalluarpaluttumik eqqoriarneqarpoq Falklandip qeqertaasa avataanni nappartanik 60 milliardinik uuliaqartoq.

Falklandip qeqertaasa imartaat oqartussaaffigerusullugu Argentinap Tuluit Nunaatalu ukiuni hornorujuni arlalinni assortuussutigisimavaat.

Falklandimilu sorsuunnermik taasagaq 1982-imi pimmat aporaattoqarpoq, Argentinap qeqertat isaaffigai - tuluilli sakkutuuinit kingusinnerusukkut anisinneqarlutik.

Nunat taakku marluk imminnut ajunngivissumik taamanili pigaluarput, qeqertalli kimit oqartussaaffigineqarnersut suli isumaqatigiinngissutigaat.

Uulia pillugu assortuut Tuluit Nunaanni suliffeqarfissuup Desire Petroleumip qaammatip ataatsip ingerlanerani akissutissarsiniarniarpaa. Tassalu taanna pissutigalugu assortuunneq aallarteqqippoq.

Qilleriviliap immap iluaniittup peerneqarnissaa Argentinap piumasaraaa. Nunallu Argentinap sanilerisai, tassa Amerika Kujalleq Qiterlerlu, maanna tapersiipput.

Venezuelami, Mexicomi Nigaraguamilu pisortat Argentinamik tapersiinertik nalunaarutigereerpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq