Sanaaluttartoq Facebookip inuit kulturiat immikkoortippaa

Facebook naggueqatigiit Inuit kulturiannut kinaassusersiorpa? Tamannalu qanoq pinaveersaartinneqarsinnaava? Canadamiup sanalukkanik eqqumiitsuliortartup inuiaqatigiit attaveqaqatigiittarfianni allagarsiassaa Facebookimit piiaaffigineqareernerani taama apeqquteqarpoq.
Ulu Kenneth Mackay-imit ilusiligaq Facebookimit sakkuuneraqartoq- Asseq Toqqorsivimmit Assi © : Travis/Flickr Creative Commons
Allattoq Marianne Stenbæk, Montreal, Canada
maajip 14-at 2019 07:55
Nutserisoq Mads Lynge

Kenneth Mackay naggueqatigiit inunneersoq arnat saviinik ululiortarpoq saqqummersitsisarlunilu. Taassuma atortut atoqqinneqarsinnaasut atortarpai.

Eqqumiitsuliortup suliani qaammatini arlalinni Facebookikkut nittarsaattarpai, Facebookilli nittarsaassineri maanna unitsippai, tassa ulu sakkutut isigineqarmat sakkullu Facebookikkut tuniniaqqusaanatik.

CBC naapertorlugu Mackayip naammagittaalliuteqarnerminut ilanngullugu ulu ilitsoqqussamik saviunerarpaa ukiunilu tusindilikkaani naggueqatigiit Inuit piorsarsimassusaannut ilaalluni pingaaruteqarnerarlugu.

Mackayip Facebook naggueqatigiinnut inunnut kinaassusersiorsoraa kulturikkullu piorsarsimassutsimut nikaginnippalussoralugu. Ulu facebookikkut nittarsaanneqarsinnaasumit iggavimmi savimmit allaanerunngitsoq oqaatigaa.

Facebookip naggueqatigiit Inuit puisip amiinik assassukkat nittarsaanneqartut siornatigut piiarnikuuai.

Facebookili tamatuma kingorna utoqqatsissuteqarpoq taakkulu maannakkut nittarsaanneqarsinnaallutik.

Kisianni, Facebookip saqqummersitat inerteqqutigilinnginneranni kulturikkut assigiinngissutsit eqqumaffiginerusariaqarai, Mackay oqarpoq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq