Facebookimik atuivallaat imminnut pingaartinniakujuttuupput
Ullormut nalunaaquttap akunneri pingasut sinnerlugit Facebookimik atuisartut tassaanerupput inuit akunnattooqqajaasut, imminnut pingaartinniakujuttut aamma imminnut naleqanngitsutut misigisimasut, tamanna Canadami misissuinerup nutaap ersersippaa.
Allattoq Elisa Isaksen
septembarip 10-at 2010 13:46
Tamannaannaanngilarli. Nalunaaquttap akunneri pingasut sinnerlugit ullormut Facebookilerisaruit qularnanngitsumik ikinngutinnut inunnulluunniit allanut naapikkusutannut imminut nittarsaakkusuttuussaatit. Aviisimi Ekstrablademi taama allaaserinnittoqarpoq.
Misissuinerup aamma ersersippaa, Facebookeraannigooq soorlu tassa nammineq tarrarsorujoorneq. Attaveqaqatigiittarfik taanna imminut qanoq takkorliussinnaanermut aamma qanoq ikinnguteqartigisinnaanermut atussallugu pitsaasuuvoq.
Taamaattorli qalliinnarsiortumik inoqatinik attaveqarneq aallunneqalersarpoq, taamaalillunilu inoqatinik kissalaartumik paaseqatigiilluarlunilu attaveqarnissaq pinngitsoorneqartarluni.
