Facebook suliffeqarfinnut aningaasarpassuarnik annaasaqaataaffiusarpoq
Danmarkimi suliffiutillit peqatigiiffiata Dansk Erhvervip sulisitsisunit akuliuttoqarnissaa innersuussutigaa.
- Taama atugaatiginera tupaallaatigaarput. Tamanna suliffeqarfiit naammassisaqarsinnaanerinut suniuteqartarpoq, unammillersinnaanerullu pitsaannginnerulerneranik kinguneqarsinnaalluni, misissuinerup inernera Charlotte Vesterip, Dansk Erhvervimi pisortap tulliata taama oqaaseqarfigaa.
Qallunaat pingasuugaangata pingajuat sulinermi nalaani Facebookertartoq, misissuinermi paasineqarpoq.
Taamaattorli Mikael Lembergip suliffeqarfimmit Komfo-meersup attaveqaqatigiinermut siunnersortaasup, Facebookip sulinerup nalaani atornissaata inerteqqutigineqarnissaa mianersoqqussutigaa.
- Suliffeqarfiup attaveqaqatigeeriaatsit ilaat inerteqqutigilerpagit, sulisut pitsaanerpaat suliffinnut allanut qimarratissapput. Sulisut kiffaanngissuteqartinnerat tamatigut suliffeqarfimmut pitsaanerpaasarput.
Misissuinermi februaarip aallartilaarnerani ingerlanneqartumut 2500-t peqataapput.