Facebook meeqqat chatterutissaannik saqqummersitsisoq
Meeqqallu atuilersussat angajoqqaaminnit nakkutigineqarlutik messengeqarsinnaalissapput.
Taamaalillutik meeqqat angajoqqaaminnut ikinngutiminnullu nakkutigisamik imminnut chatteqatigisinnaanngorput tassa imminnut attaveqatigiilersinnaanngorput.
Appi nutaaq Messenger Kids meqqaanut 13-it ataallugit ukiulinnut naleqqusagaavoq.
Naak meeqqat 13-it ataallugit ukiullit ilaat Facebookeqartaraluartut Facebookip malittarisassai naapertorlugit meeqqat 13-iliisimanngitsut facebookkimi qupperneqarsinnaanngillat.
Messengerilu meeqqanut naleqqussagaq angajoqqaanit aqunneqarsinnaasunngorlugu suliaavoq.
Soorlu meeqqat ikinngutiminnut nammineerlutik ilanngussisinnaassanngillat nalunaarutinillu piiaasinnaassanatik taamaasiortoqassappalli angajoqqaat kisimik allannguisinnaassapput.
Messenger Kids USA-mi atulersinneqartoq, Nunatsinni Danmarkimilu qaqugu atulersinneqassanersoq suli ilisimaneqanngilaq.