Nunavut Eva Arreak Canadami nersornaatit ataqqinarnersaannik nersornaaserneqassaaq

Ukiup ingerlanerani Canadamut iluaqutaasumik immikkut ittumik iliuuseqarsimasunut, Canadami
general-guvernøri ukiortaap naalani ukiut tamaasa nersornaasaasisarpoq.

Canadami nersornaatit ataqqinarnersaat The Order of Canada, Canadami sumiiffinni assigiinngitsuni ukiormanna tunniunneqarpoq.

Eva Arrak Nunavummi naalakkersuisut siulittaasorisimasaat nersornaaserneqartunut ilaavoq,  naalakkersuisut siulittaasuunerata nalaani suliarisimasai pillugit minnerunngitsumillu naggueqatigiit inuit kulturiata oqaasiisalu siuarsarneqarnissaannut suliniuteqarluarsimanera pillugu nersornaaserneqarpoq.

Nunavummi oqaatsit pillugit ataatsimititaliarsuarmi siullersaalluni siulittaasuuvoq.

Eva Arreakip suliaasa siulliit ilagaat, qarasaassiakkut attaveqaatip internetip inuktitut taaguuteqartinissaa taannalu taaguuteqarpoq ikiaqqivik, inuktitut oqaaseq tassani pineqarluni angajakkup silaannarsuarmi angalanera apeqqutit akissutissarniarlugit angalasarnera pillugu taaguut.

Eva Arreak maanna Eqalunni niuertarfiuteqarpoq inuit eqqumiitsuliaanik  nioqquteqartarluni.