Europami issittoq Kalaallit Nunaani nerumippoq

Tamannalu decemberip qaammataani ukiullu nutaap aallartisimalernerani taamaappoq. Uummannami silap pissusaa ukiup taamaalineranut sanilliullugu allaanerujussuuvoq, soorlu tassaa upernartoq isseqarpiarani, aputeqaranilu eqqumiitsorujussuuvoq. Nalinginnaavoq ukiup taamaalinerani 20-it missaannik issittarluni, Maria Nielsen Uummannameersoq, DMIp nittartagaanut taamatut allappoq. Aput amigaatigaarput, maqaasivarput, Maria Nielsen oqaluttuarpoq. DMIp ilimasaarutaa malillugu, sila sapaatip akunnerata naanissaata tungaanut nerumissaaq. Sikusimannginnera pissutigalugu piniartut sikumi piniariarsinnaanngillat.

Danmarkimi silasiorfiup DMIp nittartakkamini allaaserissaa malillugu, Kalaallit Nunaanni issinnera decemberip qaammataata affaani siullermi agguaqatigiissillugu nalinginnaasumik issippoq, decemberillu qaammataata affaani kingullermi ukiullu nutaap aallartinnerani, ukiup taamaalinerani pingasunik arfineq marlullu tikillugit Kalaallit Nunaani tamarmi kianneruvoq. Danmarkimi silasiorfiup DMIp nittartakkamini allaaserissaa malilullugu sapaatip akunnerani siullermi nerumiinnarallassaaq.