Europami anaananngujaartartut amerlanersaat tuluupput

Tuluit Nunaannut ingerlassaagut, atoqatigiinneq, naartuneq atoqatigiinnikkullu nappaatit tunillaattartut ammanerusumik oqaluuserineqartalernissaanni tuluit naalakkersuisuisa pilersaarut atulersimmassuk. Tassami inuussuttuaqqat anaananngorsimasut Europami amerlanerpaat Tuluit Nunaanniipput, oqartussaasullu oqarnerat naapertorlugu - inuusuttuaqqat atoqatigiinneq pillugu ilisimasakissusiat tupaallannartuulluni.
novembarip 30-at 2009 17:20

Kissy Richardson Nottinghamiminnaanneersoq 13-inik ukioqarluni ernertaarpoq.

- Nalunngilara uanga taama atugaqalersimagama nammineq pisuussutigalugu. Anaanama ataatamalu mianersoqqusaraluarpaannga, tusaaniartarsimanngilakkali, maannakkullu inuunera qanoq ingerlatissanerlugu naluara, Kissy Richardson oqarpoq.

Anaananngujaartartut inuunernerminni amerlanertigut atugarissaannginnerpaanersuusarput, qaffariarnissamullu naartulernissaq isigisarlugu, ikiuutisiaqalerniassagamik.

Anaananngujaartartut inuiaqatigiinnut tulunnut 1 mia. koruuninik ukiumut akeqartarpoq. Taama aviisi The Independent allaaserinnippoq.

Tuluit 16-iniit 24-nut ukiullit 26 procentiisa atoqatigisartik illersuuteqarneranik aperinngisaannaraat tusarliunneqartorlu tuluit oqartussai paasisitsiniaanerulernissamik suliniuteqalerput.

Tuluit Nunaanni qanittukkut misissuinerup ersersippaa tuluit inuusuttuaqqat 92-iisa atoqatigiinnermi illersuutissat nalinginnaanerpaalluunniit ilisimasaqarfiginngikkaat. Jakob Illeborgip ilanngutassiaa Holger P. Petersenimit kalaallisuunngortinneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq