EUmi ilaasortaq: Puisit amiinik EUmut mattussiniarneq ingasappallaaqaaq
Puisit amiisa Europamut tuniniarneqarnerisa inerteqqutaalernissaanik oqallinneq ingerlanneqaleruttortoq EUmi inatsisartuni ilaasortaq ataaseq allatut isumaqarluni saqqummerpoq.
Allattoq Lotte Holm
Peter Stastny Slovakiiamioq 52-inik ukiulik siornatigut Canadami inuussutissarsiutigalugu sikumi arsaararluni ishockeyerluni unammisartoq maanakkullu EUmi inatsisartuni ilaasortaasoq puisit amiisa Europamut tuniniarneqartarnerisa inerteqqutigineqalernissaat ingasagivaa ulorianangajattutullu oqaatigalugu.
Puisit amiisa Europamut tuniniarneqarnerisa inerteqqutigineqalernerisigut inuit ilungersorlutik inuussutissarsiortut eqqorneqarnissaat ernummatigineruara Slovakiiamioq Peter Statsny Europa parlamentimi ilaasortaq franskit aviisiannut Le Nuvalist-imut oqarpoq.