EU-p Ruslandimit uuliamik eqqussuineq ukioq manna naatinnagu inerteqqugilerniaraa

Uulia umiarsuarnik assartorneqarluni Ruslandimit eqqussorneqartoq isumalluutaajunnaariartortinneqassasoq, EU-mi nunat isumaqatigiissutigaat. Uuliali ruujorinik suli eqqussorneqarsinnaassaaq.
Uulia umiarsuarnik assartorneqarluni Ruslandimit eqqussorneqartoq isumalluutaajunnaariartortinneqassasoq EU-mi nunat isumaqatigiissutigaat, tamannalu ukioq manna naatinnagu atuutilersimassaaq. Assi © : Johanna Geron/Reuters/Ritzau Scanpix
Allattoq Ritzau
maajip 31-at 2022 10:29
Nutserisoq Mads Lynge

Uuliamik Ruslandimeersumik EU-mut eqqussuinerup annerpaartaata piaarnerpaamik inerteqqutigineqalissasoq, EU-mi naalakkersuinikkut siuttut Bruxellesimi immikkut ittumik ataasinngornermi unnukkut ataatsimiinnermi isumaqatigiiissutigaat.

Uuliap umiarsuarnik assartorneqarluni Ruslandimit eqqussorneqartoq isumalluutaajunnaariartortinneqassasoq EU-mi nunat isumaqatigiissutigaat, tamannalu ukioq manna naatinnagu atuutilersimassaaq.

AAMMA ATUARUK Gazprom Hollandimut gassimik pilersuiunnaartoq

Taamaattoq uulia ruujorit atorlugit suli eqqussorneqarsinnaassaaq. Tassunga atatillugu piffissaliussaq suli aalajangiiffigineqanngilaq, piaarnerpaamilli aalajangiisoqarniarpoq.

Rusland taamaasilluni ruujorit aqqutigalugit uuliamik nioqqutissiorsinnaavoq, assersuutigalugu EU-mi nunamut Ungarnimut uuliamik suli tunisassiorsinnaassalluni.

Uuliamik Ruslandimeersumik eqqussuinerup inerteqqutigineqalernissaa EU-mi siuttut sapaatit-akunnerini kingullerni sulissutigisimavaat. Pilersaarutilli taakku Ungarnip ministeriuneruneranit Viktor Orbànimit akerliuffigineqarsimallutik.

Aamma atuaruk