EU silaannaap pissusaanut misissuinermi siuarsaalerpoq
EU silaannaap pissusaanut misissuinermi siuarsaalerpoq. Europami avatangiisit pillugit misissuisarfiit nuimanerit arfineq marluk siunissami silaannaap pissusaata allanngoriartorneranik misissueqatigiinnissartik maanna isumaqatigiissutigisimavaat. Taama tusagassiisarfimmiit Ritzau-imiit allaaserineqarpoq.
Danmarkimi avatagiisinik misissuisartut DMU -, Aarhusip universitetiata ataaniittup saniatigut, ilisimatusarfeqarfiit Tysklandimiittut, Tuluit nunaanniittut, Frankrigimeersut, Hollandimeersut, Italiameersullu ilaatitaqarniarput.
Taamaasiornissap unamminartua unaavoq: Panernersuit siaruaakkiartorneri, erngullu allaanerusumik agguataalernisaa, silapiluillu sualuttut amerlanerulersimaneri sumiiffississallugit, qanorlu isikkoqalersinnaanerisa paasiniarnissaasa ilusilersornissai.
Taama suliassamut pisortaasoq Hans Christensen, Ritzau-imut oqarpoq.
Københavnimi silaannaap pissusaa pillugu ataatsimeersuarnissaat 2009-mi pisussami, ilisimatuut misissuinermik paasisanik saqqummiinissartik naatsersuutigivaat.