EU-p nunanut allanut ministerii Island pillugu isumaqatigiinngillat
- Islandimiut qinnuteqaataat arriisaarunneqarani tuaviortumik suliarineqarpoq, tassami Island niueqatigiinnikkut EU-mit suleqatigineqarpoq kiisalu Schengen pillugu isumaqatigiissummut Island attuumassuteqareerluni, Sverigemi nunanut allanut ministeri EU-milu siulittaasoq Carl Bildt, EU-mi suleqatini Bruxellesimi naapinngilaataani taama oqarpoq.
Nunanut allanut ministerit 27-t Islandimiut EU-mut ilaasortanngornissamut qinnuteqaataat pisortatigoortumik ataasinngorpat EU-Kommissionimut nassiutissavaat, taamaattoq EUmi ministerit isumaqatigiinngissuteqarput.
- Isumaqarpunga Islandip qinnuteqaataa akuerineqassasoq, kisianni aamma Kroatia Albanialu aamma akuerineqartariaqarput, Østrigemiut nunanut allanut ministeriat, Michael Spindelegger Nutaarsiassaqartitsivimmut DPA-mut oqarpoq, tamannali Finlandimiunit akerlerineqarpoq.
Islandimiut Kroatiamiunit siulliullutik EUmut ilaasortanngornissaat eqqoriarneqartalereerpoq, naak kroatiamiut ilaasortanngornissaminnut isumaqatiginninniarneri naammassileraluartut.
