EU-p niuersinnaatitaajunnaaqqusinera eqqartuussivinnit aalajangerneqartussanngortoq
Puisinit tunisassianik EU-p niuersinnaatitaajunnaaqqusiniarnera inatsisitigut eqqortuunersoq eqqartuussivinnit aalajangersarneqarnialerpoq.
januaarip 13-at 2010 04:53
Inuit Issittormiut Siunnersuisoqatigiiffiat, ICC, Kalaallit Nunaanni Aalisartut Piniartullu Kattuffiat, KNAPK, aamma Canadami Akilinermilu naggueqatigiit Inuit, EU-p puisinit tunisassianik aggustip ulluisa aallaqqaataanniit niuersinnaatitaajunnaarsinissamut aalajangersaasimanera akerleralugu EU-p eqqartuussiveqarfianut suliassiiniarlutik aalajangereersullu tamanna pivoq.
Lissabon-Traktatimik taaneqartartup decembarip ulluisa aallaqqaataanni atuutilerneratigut tamanna periarfissanngorsimavoq, tassalu EU-mi Inatsisartut aalajangersagaat, niuernikkut unammillersinnaanermut tunngassutillit, eqqartuussivimmut tassunga misilinneqarsinnaanngorsimammata.
