EU-p issittumut soqutiginninnera alliartuinnarpoq
Silap pissusaata allanngoriartornera pissutigalugu EU-p issittumut soqutiginninnera alliartuinnarpoq, Unamminartoqarnerulernissaalu sillimaffiginiarlugu Skandiaviap avannaatungaanut Kalaallit Nunaannullu tunngatillugu Brüxellesimi ulluni makkunani aaqqissuussisoqarpoq.
Allattoq Louise M. Kleemann
oktobarip 10-at 2008 12:51
Inuutissarsiutitigut allatigullu ineriartortitsisoqarsinnaanera pillugu EU-mi oqartussaasut paasitinniarneqarput.
- Kalaallit Nunaannut tunngatillugu malussarnerusoqalissaaq, massakkullu nunarput isiginiarneqartorujussuuvoq. Kalaallit Nunaatalu nunanit tamalaanit maluginiarneqalernera atorluarneqarsinnaavoq, Kalaallit Nunaata aallartitaqarfiani allattaaneq, Nauja Bianco, taama oqarpoq.
- Europami attavigut peqatigalugit ineriartortitsisinnaavut suliaqartussanilluunniit pissarsisinnaalluta amigaatigisatsigut unittoorfitsigullu ingerlariaqqissinnaalerluta. Unamminartutigut periarfissatigulluunniit attavinnik atorluaalluni attaveqaqatigiinnerup pissarsinartuata atorluarnissaa pingaaruteqarluinnatoq isumaqarpunga, Nauja Bianco oqarpoq.
