EU-p Kalaallit Nunaat pillugu apeqqummi Danmark tapersersorpaa.

Bruxellesimi ataatsimiittoqareernerani EU-p præsidentia António Costa tusagassiortunut katersortitsinermi ataatsinngornermi taama oqarpoq.

- EU-p nunat namminersortuunerat, innarligassaannginnerat qunutitassaannginnerallu pillugit Naalagaaffiit Peqatigiinni isumaqatigiissut attanniarpaa.

Kalaallit Nunaata aqulernissaanik kissaat USA-p præsidentiata Donald Trumpip oqaatigereeraalu EU taama nalunaaruuteqarpoq.

Danmarkilli Donald Trump kisimiilluunni illuatungilissanngikkaa EU-p præsidentiata erseqqissaatigaa:

- Danmarkip kunngeqarfiata innarligassaannginnerata, namminersortuunerata qunutitassaannginneratalu illersorneqarnissaat EU-mi nunanut pingaaruteqarpoq.

- EU-p kunngeqarfik Danmark tamakkiisumik illersorpaa, António Costa oqarpoq.

Kalaallit Nunaat EU-mi nunanut 27-nut ataatsimiinnermi oqaluuseritinniarlugu Danmarkimi ministeriunerup Mette Frederiksenip oqaatigaa.

Mette Frederiksen ataasinngornermi ataatsimeereernermi inoqatinut attaveqaqatigiittarfimmi Instagramimi ima ilaatigut allappoq:

- Europap ataatsimoornera sapaatit akunnerata kingulliup ullumilu ullup uppernarsisippaa. Danmark nukittuunik iligisaqartoq - ikinguterpassuaqartorlu, Mette Frederiksen oqarpoq.

Kalaallit Nunaata nunanit tamalaanit soqutigineqarnerujussuata kingunerisaanik ministeriuneq piffissami kingullermi angalangaatsiarpoq.