EU-p akiligaanik Royal Greenland sulisunik pikkorissartitsivoq
Immikkut ilinniartitsinerit siorna novembarimi aallartinneqarput, pikkorissarnerit arfineq-pingasut katillugit ukiut marluk ingerlaneranni sulisut malinnaavigereerunikkit aalisakkanik tunisassiorfinni immikkut ilinniagalittut imminnut taasinnaalissapput. Ilinniartitaanerup immikkut ittumik qaffassarneqarnissaa pillugu Kalaallit Nunaat EU-lu 2006-imi isumaqatigiipput, 195 millioni koruuninik naleqartumik. Aningaasat taakku tamarmik ilinniartitaanerup qaffassarneqarnissaanut atugassanngortinneqarput, aningaasallu ilaasa aalisakkanik tunisassarsiorfinni sulisut immikkut ilinniartinneqarnissaannut atorneqassallutik.
Pikkorissarnerit ukiut marluk iluanni ingerlanneqassapput, Namminersornerullutillu Oqartussat aningaasaliisuusussaallutik.
- Nuannaarutigaarput ilinniartitaanermik taamaattumik Namminersornerullutik Oqartussat aallartitsinerat. Nioqqutissiornerup qanoq ingerlaaseqarneranik ilisimasat amerlinerisigut aalisakkanik tunisassiorfiit ingerlatseriaasiannik paasinninneq annerulissaaq, Royal Greenlandip pisortaa Pâviâraq Heilmann oqarpoq.
Aalisakkanik nioqqutissiorfinni suliffimmi avatangiisit, ikiueqqaarneq, inuussutissalerinermi eqqilusaarneq inuttullu ineriartorneq.
Tassa sulisut 100-t missaat pikkorissarnermi ilaatigut pikkorissarfigisaat.