EU-mut akerliuniat Folkebevægelsen mod EU ukiut 25it matuma siorna kalaallit EF-mut naaggaarnerat ullumi nalliussissavaat.
Ukiut 25-it matuma siorna Kalaallit aqqutissiuuppaatigut–mik qulequtserlugu Folkebevægelsen mod EU sinnerlugu EU parlamentimi ilaasortaasimasoq Sven Skovmand oqalugiassaaq. – Kalaallit aqqutissiuuppaatigut, angertummi kisimiilernissamik ajornerusumillu inuuneqalernissamik siulittuutaannit qunusiarineqanngillat, Sven Skovmand oqarpoq.
Namminiilivinnissamut suliniaqatigiiffimmi siulittaasoq Mininnguaq Kleist, kiisalu EU parlamentimi ullumikkut ilaasortaq Søren Søndergård oqalugiartussatut aamma qaaqquneqarput. Malunnartitsineq Café Dropp Inn-imi Københavnip qeqqaniittumi ullumi ingerlanneqassaaq.
Naatsorsuutigineqarpoq maanna nunatta EU-llu akornanni suleqatigiissutaasut suleqatigiissutigineqanngitsullu eqqartorneqarnissaat.
Kalaallit Nunaat EF-imiit februarip aallaqqaataani 1985-imi anivoq.