EU-Kommissioni: Issittoq arajutsisimaneqarpallaarpoq

EU-Kommissioni isumaqarpoq Issittoq arajutsisimaneqarpallaartoq, tamannalu pissutigalugu EU-Kommissioni politikkissatut siunniussassat naammassisaleruttorlugit.

EU-p Issittumi Siunnersuisoqatigiinni aalajangersimasumik alaatsinaatsuutitaqalernissaa EU-Kommissionip siunnersuutigaa, Issittumilu immakkut angallanneq aalisarnerlu pillugu politikkiliortoqarniarluni.

Issittup imartaani angallannermi pitsaaqutaasinnaasut ajornartorsiutaasinnaasullu misissorneqassapput, aalisarnermullu tunngatillugu nunat tamat akornanni isumaqatigiissusiortoqartarnissaa pilersaarutaalluni.

- Immap sikua aappat aalisarfiusinnaasut annertusissapput, pisuussutillu pissusissamisoortumik aqunneqalernissaat pingaaruteqarluni, EU-mi aalisarnermut tunngasunut kommissæri Joe Borg oqarpoq.

Nunat Issittumut ilaasut katillugit arfineq-pingasuupput, Kalaallit Nunaata Danmarkillu saniatigut Island, Sverige, Finland, Norge, Rusland, USA aamma Canada Issittup imartaanut killeqarfeqaramik.