EU: Iliuuseqanngikkutta panernersuaqassaaq

Nunami panernersuaqarneq, nuna naaffigiuminaatsoq Immap qaffannera, syrimillu akoqarnerulernera peqqinnissakkullu ajornartorsiutit alliartuinnartut, tamakkuupput silaannaq kissakkiartuinnassapput ajornartorsiutaalersussat.

- Silaannaap allanngoriartorneranut massakkorpiaq iliuuseqanngikkitta takkutinngitsoorunnaanngitsut, EU-p qullersaqarfiata nalunaarusiaani nutaami taama allaaserinnittoqarpoq.

Gassimik ipinartortalimmik CO2-mik, nunat tamalaat silaannarmut aniatitsinerat 30 procentimik annikillisinneqartuuppat, silap gradinik marlunnik kiannerulernissaralua pinngitsoortinneqassangaluarpoq. Nalunaarusiami taama allaaserinnittoqarpoq.

Europami nukissiuutinik atuineq, massakkut pissutsit atuuttut aallaavigissagaanni, annertusiartuinnarumaartoq, nalunaarusiami siulittuutigineqarpoq.

Silaannap allanngoriartorneranut unikaallatsitsinissamik, nunat tamalaat Kyotomi isumaqatigiissutaat naapertorlugu iliuusissat nutaat pillugit, nunat EU-mut ilaasortaasut 27-t avatangiisinut ministerii Bruxellesimi februaarip 20-nni ataatsimiissapput.