Ethniqa Magazine: Danmarkimi arnanut atuagassiaq nutaaq

Taaguteqarpoq Ethniqa Magazine, aaqqissuisullu kalaalersaqarput. Kalaallimmi arnartaat Danmarkimiittut inuiannik nunanit allaneersunik arlalitsigut assigiissuteqaramik, taama oqarpoq allaaserinnittartoq Alina Ulsøe.

Ethniqa Magazine atuagassiaavoq, arnanut nuani allamiunut Danmarkimi inuunermi mutiusumi inooqataanermikkut, arnanut atuagassiaqarnermik sunniuteqaqataarusuttunut atuagassiaq.

Aaqqissuisoqarfimmiipput arnat 15-it missaat, tamarmik inuiannit assigiinngitsuneersuusut, ilaatigullu inuiannit assigiinngitsunit akusaasut. Tassaasut Pakistanimiut, Iranimiut, Irakimiut, Russit, Polenimiut, Marokkomiut uangalu Kalaallit Nunaanneersoq, Alina Ulsøe oqarpoq.

- Kulturimik allamik tunuliaqutaqarluta qallunaatut inuuniartussaavugut.Qallunaatut isikkoqarnata qallunaallu kulturiat allaasoq ilinniartussaallutigu. Soorlu tamakkuupput Somaaliamiup arnap uangalu Danmarkimi assigiissutivut.

- Isummat pigiliutiinnakkat tusartakkavut inuillu uatsinnut allatut pissusilersortarnerat allaanerarlutalu oqaatigisartagaat tusartakkavut, nunasisut tamarmik misigisartagaat, tamakkua oqaluttuarisariaqaratsigik.

- Pissutsit tamakkua iliuuseqarfiginagit aliasuutigiinnarnagillu iliuuseqarfigerusuppavut, taamatummi pineqartarnerput akuersaaginnarnagu iliuuseqarfigerusukkatsigu, Alina Ulsøe naggasiivoq.