Ethanoli pillugu nalileeqqissaartariaqarput

Bioethanolip biilit pujuliornerannik minguinnerulersitsinissaa siunertarineqarpoq.

Aammami taamaappoq – aammattaarli sulisut Brasiliamiut inuunerannik akeqaratarsinnaavoq. Ivigarsuit sukkullit naatitat atorlugit ikummatissanngortinniarlugit inussiatut atugaqarlutik piiartarpaat.

Benziina solarilu tamarmik danskit orsussaarniarfiininngaanneersut aappaagumiit naatitat atorlugit ikummatissamik ethanolimik akoqalissapput. Brasilia nunarsuarmi ethanolimik tunisassiortut annersaraat, aammalumi ethanoli Brasiliaminngaanneersoq tassaavoq CO2-mut tunngatillugu pitsaanersaasoq, tamannali aamma illuatungeqarpoq. Ivigarsuarnik sukkulinnik killuinermik sulisut ethanolimik suliffissuarnut sullissisut 1800-kkunnili inussiaateqartoqarallarmalli narsaatini ivigarsuarnik sukkulinnik sulisuninngarnit sulerulunnerupput. Tamanna Sao Paolomi universitetimi misissuinermit erserpoq, tamatumani Brasiliami ivigarsuarnik sukkulinnik sulisut 400.000-iusut suliffimminni atugaat misissuiffigeqqissaarneqarmata. Inuup ataatsip ullormut 12 tonsit piiartarpai, agguaqatigiissillugulu narsaatini ukiuni aqqaneq-marluinnarni sulisinnaasarluni. Inussiat taamaattulerisartut ukiuni 20-ni sulisinnaasarsimapput. Taakkunannga amerlaqisut nerisaminnut najugaqarnerminnullu sulisitsisuminnut akiligassaqarnertik pissutigalugu allatut ajornartumik naatitsivinniiginnartarput. Sao Paolomiinnarlu sulisut 19-it ukiut pingasut kingulliit ingerlaneranni qasunermit toqusimapput.

-Taamaattumik maani Danmarkimi ethanolimik eqqussuinitsinni piumasaqaateqarnissatsinnut piareersimasariaqarpugut, LO-mi nunanut tamalaanut allatsi Marie Louise Knubbert oqarpoq.

-Biilinnut benziinasissaguma biilera ethanolimik immissagukku, taava Brasiliamiunik toqutsisimannginnera qulakkeertariaqarpara.

Aasakkut sulinngiffeqareernerup kingornagut Folketingi biilini ethanolip atorneqarnissaa pillugu piumasaqaatissanik isumaqatigiinniassaaq, tamatumanilu pingaaruteqarpoq nunat ethanolimik nioqquteqartussat nunani tamalaani suliatigut atukkat pillugit isumaqatigiissutinik maleruaanersut Danmarkimi naalakkersuinermik suliaqartunit piumasarineqassasoq, Marie Louise Knubbert oqarpoq.

-Nerissaguit ineqassaguillu aammalu sulisitsisunnut aningaasanik akiitsoqalerlutit, taava tamanna inussiatut atugaqarnertut taaneqassaaq, pissutsit taamaattut akuersaarsinnaanngilavut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat