Estlandimi ujaminnanniassamaalerput

Taekwon Do-rtartut qulingiliuat nunarput sinnerlugu unammeqataassapput Europami pissartanngorniunnerit Estlandimi Tallin-imi ingerlanneqalerpata.

Lauritz Heilmannip periutsinik takutitsinermi tulimi 5. danimik qernertunik qiterutilinni Europami pissartaanini illersortussaavaa.

Aamma pissanngatigineqarpoq iligiiaarluni tul-ernissami kalaallit siuariarsimassanersut. Unammeriaaseq taanna suli Europami pissartanngorniunnerni takutitsissutitut inissisimagallarpoq tassanilu kalaallit ukiut marluk matuma siorna bronzennapput.

- Iligiiaarluni tul-ernermi peqataasussat Nuummeersut Sisimiuneersullu ukiortaap kingorna marloriarlutik sungiusaqatigeereerput. Pissanganarpoq siuariarnermik takutitsisinnaassanersut, taama oqarpoq nuna tamakkerlugu sungiusaasoq Lauritz Heilmann.

Aamma arnani unammeqataasussanik marlunnik toqqaasoqarpoq pissanngatigineqarporlu unammersuarnerni taakku qanoq inissikkumaarnersut.

Nunarput sinnerlugu unammeqataasussat tassaapput:

Inersimasut:

Jonathan Jonathansen, 3. Dan, Sisimiut

Lars Sørensen, 3. Dan, Sisimiut

Pilunnguaq Filemonsen, 1. Dan, Nuuk

Sikkerninnguaq Lynge Hard, 2. Dan, Nuuk

Steen Rasmussen, 2. Dan, Nuuk

Johan Peter Halsøe, 3. Dan, Nuuk

Angutinnguaq Tittussen, 4. Dan, Nuuk

Lauritz Heilmann, 5. Dan, Nuuk

Utoqqasaat:

Christian Isaksen, 5. Dan, Nuuk