Espersen: Illersornissaqarfiup Kalaallit Nunaat navialitsaalinerulertariaqarpaa
![](/sites/default/files/styles/image_934x467/public/espersen.jpg?itok=B03lR9TJ)
Issittumi najuunnerunissaq, Illersornissaqarfiup 2021-mi pingaarnertut suliassaraa.
Illersornissaqarfillu Kalaallit Nunaanni sakkutooqarfeqaleqqinnermigut taavalu Kangerlussuarmik Narsarsuarmillu atuinerulernermigut taamaaliorsinnaavoq.
Dansk Folkepartip nunatsinnut tunngasunik oqaaseqartartua, Søren Espersen, nittartakkakkut nutaarsiassaqartitsivimmi Altinget Arktisimi taama oqallisaaruteqarpoq.
Danskit illersornissaqarfiat Kalaallit Nunaanni najuunnerulertariaqartoq, taanna isumaqarpoq.
AAMMA ATUARUK Amerikamut isumaqatigiissut annertoorujussuarmik iluaqutissiissooq
- USA-mi taamatorluinnaq aamma iliulersaarpoq, USA-lli taamaaliornissaa minnerusumik annerusumilluunniit utaqqiinnarnatigu nammineq taamaaliortariaqarpugut, Søren Espersen oqallisaarummini allappoq.
USA-p Kalaallit Nunaanni innuttaasunut amerikamiullu illersornissaqarfiannut iluaqutaasussamik attaveqatigiinnermut aningaasaleerusulluni nalunaaruteqareertoq, taassuma eqqaasitsissutigaa.
Tamanna isumakulunnartoq, taanna allappoq.