Espersen: Illersornissaqarfiup Kalaallit Nunaat navialitsaalinerulertariaqarpaa

USA Kalaallit Nunaannik illersuisuulissanngippat Illersornissaqarfik Kalaallit Nunaanni amerlanerusunik timmisartoqarlunilu sakkutooqarfeqartariaqartoq, Dansk Folkpartimeersoq Søren Espersen isumaqarpoq.
Issittumi nakkutilliineq Illersornissaqarfiup 2021-mi pingaarnertut suliassarigaa, Dansk Folkepartip nunatsinnut tunngasunik oqaaseqartartua, Søren Espersen, isumaqarpoq.
Allattoq Helle Nørrelund Sørensen
januaarip 17-at 2021 11:27
Nutserisoq Hanne Petersen

Issittumi najuunnerunissaq, Illersornissaqarfiup 2021-mi pingaarnertut suliassaraa.

Illersornissaqarfillu Kalaallit Nunaanni sakkutooqarfeqaleqqinnermigut taavalu Kangerlussuarmik Narsarsuarmillu atuinerulernermigut taamaaliorsinnaavoq.

Dansk Folkepartip nunatsinnut tunngasunik oqaaseqartartua, Søren Espersen, nittartakkakkut nutaarsiassaqartitsivimmi Altinget Arktisimi taama oqallisaaruteqarpoq.

Danskit illersornissaqarfiat Kalaallit Nunaanni najuunnerulertariaqartoq, taanna isumaqarpoq.

AAMMA ATUARUK Amerikamut isumaqatigiissut annertoorujussuarmik iluaqutissiissooq

- USA-mi taamatorluinnaq aamma iliulersaarpoq, USA-lli taamaaliornissaa minnerusumik annerusumilluunniit utaqqiinnarnatigu nammineq taamaaliortariaqarpugut, Søren Espersen oqallisaarummini allappoq.

USA-p Kalaallit Nunaanni innuttaasunut amerikamiullu illersornissaqarfiannut iluaqutaasussamik attaveqatigiinnermut aningaasaleerusulluni nalunaaruteqareertoq, taassuma eqqaasitsissutigaa. 

Tamanna isumakulunnartoq, taanna allappoq.
 

Aamma atuaruk