Narsami amernik mersortarfik, Eskimo Pels, oktoberimi 2005-imi akiliisinnaajunnaarluni matummat, nutaanik piginnittoqarluni, upernaaq maj-ip aallartilaarnerani, ammaqqippoq.
Mersortarfimmik piginneqataasoq, Ingvar Rohde, oqarpoq, mersortarfik tuninialeritsik.
-Ilimagisannit annertunerungaatsiarnermik mersortarfik piumasaqaateqarsimavoq. Matulinngilavut, kisianni ilumoorpoq, pisiumasoqassappat tuniniarparput, Ingvar Rohde paasiniaavigigatsinni ilisimatitsivoq.
Eskimo Pels-ip pigisai qaammatit pingasut matuma siorna tuniniarneqarmata, akisunerpaamik akiliiumasunut, Ingvar Rohde-mut Jim Petersenimullu tamakku tunineqarput.
- Pisiarineratut akeqartillugu tuniniarparput, tassalu 600.000 koruunit missaannik akeqassaaq, Ingvar Rohde oqarpoq.
Eskimo Pels-imi sulisut ullumikkut tallimaapput, taakkulu saniasigut ulluinnarni aqutsisoqarluni.