Ulussaarsuit ukioq manna siullersarisaat, Ernesto, Floridamut USA-miittumut apuunnissaa piareersarfigineqalerpoq.
Cuba ulussaarsuarmit Ernesto-mit eqqorneqareerpoq, ilaatigut qarsutsinertalimmik siallingaatsiarluni. Maannalu Key West-imi Floridamiittumi pisortat, takornarianik qimarngussuilereerput.
Avataarsualiartaat Atlantis aamma aallartinneqartussaagaluartoq, silarlunnera pissutaalluni kinguartinneqarpoq. Taanna ullaaq manna Cape Kennedy-mi silaannarsualiartitsisarfimmit aallartinneqartussaagaluarpoq.
Ulussaarsuup ingerlaarfia malittareqqissaarneqarpoq, ukiormi kingulleq ulussaarsuaqartarnera misillerfiusimavoq.
Taamanikkut ulussaarsuaq Katrina, ilaatigut qarsutsinersuaqartitsilluni, New Orleans-imut aqqusaarmat aserortererujussuarpoq.