Eritreami naalakkersuisut Al-Qaedamut sakkulersuineragaapput
Pasilliisut tassaapput Somaliap naalakkersuisui, nunallu killiit isertortumik paasiniaasarfii. Eritreami naalakkersuisut nunap sanilimik Somaliap naalakkersuisui ajortitsiniaasutut taavaat.
Ukioq ilivitsoq Eritreap naalakkersuisuisa Somalia naalakkersuisunik aalajaatsunik pilersiteqataaviginiaraluarpaa, iluatsinngitsumik.
Maanna Somalia naalakkersuinik naalakkiisinnaasoqanngilaq.
Pinerliiniaqatigiit Al-Qaeda Somaliami tapersersorteqarluartoq sakkussaaleqinngeqaaq. Somaliap sineriaani piiaasut umiarsuarnik tiguaasut akiliisitsissutaannik aningaasarissaarput.
Ilisimaneqanngilarli sakkut suminngaaneernersut.
Ilimatsaanneqarporli Eritreamiit, piitsooqsiumiit sakkut Somaliamut eqqussorneqarneri. Eritreap nunamut saniliminut Etiopiamut pinnaassuteqarnera peqqutaatinniarneqalerpoq.
Nunat taakku marluk 1998-imiit 2000-imut killeqarfilerngusaapput.
Naalagaaffit Peqatigiit killeqarfiliussami nakkutilliisuutinneqarput.
Eritreap Etiopia naalagaaffiginiartuarsimavaa. Sorsuunnermi qimaasut Somaliamut Sudanimullu qimarrattarsimapput. Taakkunanngaaniillu pikitsitsisut aallaaveqarput. Sakkunik eqqussuineragaaneq soorluuna ilumoortortaqartoq, nunammi taakku marluk qanitariilluinnarmata.
