Erinniarsuit angallatilerpaat

Nuummi erinarsortartut 30-t tungaanut amerlassusillit Mozartip erinniarsuisa ilaat Requiem, ukiup ataatsip ingerlanerani sammivaat.

Inuussutissarsiutigalugu erinarsortartut sisamat nipilersortartullu peqatigalugit Nuummi, Aasianni Ilulissanilu qaammatip naalernerani sisamariarlutik Requiem tusaamasaasoq tusarnaartitsissutiginiarpaat.

Erinarsoqatigiit Nuuk Koncert Kor-imik taaguutillit Søren Johansson pattagiartoralugu tusarnaarpagut. Qallunaaq nipilersortunik aqutsisuusoq isiginnaartitsisartorlu Niels Borksand

Händels Messias peqatigalugit nunatsinnut tusarnaartitsiartorneranut kingullermut atatillugu erinarsoqatigiit ukioq ataaseq affarlu qaangiummat pilersinneqarput.

Mozartip sanaava Requiem erinarsoqatigiit maannakkut tusarnaartitsissutiginiarneranut pissutaasoq tassaavoq ilaasortaasut kissaateqarnerat.

Erinniarsuaq Nuummi Katuami marloriarlugu oktobarip 19- ianni 20-annilu, aamma Ilulissani Aasiannilu sap.ak. naanerani tulliusumi tusarnaartitsissutigineqassaaq.

Erinarsoqatigiinni amerlanerit nuutit atuarsinnaanngilaat, taamaattumillu erinniarsuup tamarmiusup alanngaarnissaa ilinniartariaqarlugu. Niels Borksand ersarissumik naammagisimaarluagaanik, nipilersornermut ilinniartitsisoq Bente Colding Jørgensen-mit ilitsersorneqarlutik sungiusarpaat.

Erinarsoqatigiit ipassaaniinnaq misilikkamigit assut iluarisimaarnerarpai.

Nipilersortartut immikkoorlutillu erinarsortartut Danmarkimeersuupput, nipilersornermullu piginnaasaat kisimi piumasaqaataanatik. Tassami imarsiorsinnaasariaqartut, Niels Borksand-ip oqaatigaa:

- Ajornartorsiuuteqanngilagut sineriammullu ingerlaqqittariaqarluta.

Nuumminngaanniit aallartippugut, taavalu uanga qinerpara …

Maannakkut nuna tamakkerlugu aallakaatitsinermut peqataavunga, Ilulissanilu qilanaalereersinnaapput.

Nipilersortartut aamma imarsiullaqqissuusariaqartut piumasaqaatigaara.

Tallimanngornerup unnuaani Nuumminngaanniit aallassaagut Aasiaat tungaanukarluta, aamma Qeqertarsuup Tunua kaajallassavarput.

Aasiannut pereerutta Ilulissat Kangerluat takusartissavara,taamaaliunngikkumami nipilersortussat misigisassaannik uukapaasissimallugit misigissaanga.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat