Erinaq tusaqqoornartoq, nunani tamalaani ilisimaneqartoq Nunatsinnut ullumi anngutissaaq!
Taamatullu isumassarsisoqartarnera Nunatsinnut aamma annguppoq, isumassarsisuulluni Mads Pihl takornarialerisunit Visit Greenlandimeersoq. Taanna Facebookimi ima kajumissaarivoq:
"Pharrel Williamsip erinarsugaa "Happy" atorlugu qittattunik ullumi filmiliulerpugut, ilaaniaritsi".
Tamanna pissaaq Nuup qeqqani Blok P-p inigisimasaani maanna Nuuk Playground-imik taagorneqartumi unnugu arfineq pingasut qeqqanut.
Filmiliornissamik suliniuteqartut immiussinitik ualimut sisorarfinni majuartaatip eqqaani aallartippaat, unnugulu tassa Nuup qeqqani takorloortuaannagarput pillugu - tassa nuannaarneq - pillugu qitillutillu assigiinngitsunik piumasaminnik timiminnik aalatitsisinnaassapput.
- Erinarsukkap Kalaallit Nunaanneersunit qitinneqarneranut tunngasumik piaartumik suliaqarusukkatta, nunarsuarmiunimmi allanit erinarsugaq taanna nuannarineqalertuttormat, Mads Pihl oqarpoq. Taassuma immiussaminnik nunami issittumeersumik internetimut ikkussinissani qilanaaraa, nunarsuatsinnimi nunat sumiikkaluartulluunniit immiussaat internetimi maannamut takuneqarsinnaalereermata.
..
Isumassarsiarlumi kisermaanniarneqanngilaq - taamaattumik illoqarfinni nunaqarfinnilu assigiinngitsuni assingusumik filmiliorlusi aallarteriannguaritsi, Mads Pihl taama kajumissaarivoq.
