Erfalasut pillugit oqillinneq suli ingerlavoq

Savalimmiormiut danskillu erfalasuisa qeqertarmiut unammiffianni Rhodosimi savalimmiormiut timersortartuisa ineqarfigisaata unnuiffiup silataani erfalasulerfimmut ataatsimut, savalimmiormiut erfalasuat allinngorlugu danskillu erfalasuat qullinngorlugu amuneqarsimanerannik naammagittaalliutiginnittoqarmat, erfalasup aappaa tassa savalimmiormiut erfalasuat erfalasulerfimmut allamut kisimiitillugu amuneqarpoq.

Unnuisarfimmi ilungersunartumik isumaqatigiinniartoqareersorlu unnuisarfiup silataani erfalasulerfimmi takornariartitseqatigiiffiup Spies-ip erfalasua Savalimmiormiut erfalasuannik taarserneqarpoq.

Savalimmiormiut erfalasuata pineqarneranik suliaq suli naammassinngitsoq folketingimi ilaasortaq savalimmiuneersoq Høgni Hoydal isumaqarpoq.

- Savalimmiut erfalasuat assortuussutaasarpoq, Islandimi aallartitaqarfitta silataani erfalasorput kisimiitillugu tassa Dannebrog ilanngunnagu amusisinnaannginnerput aamma assortuussutaavoq, Høgni Hoydal oqarpoq.

Inatsit 2005-imeersoq, tassa savalimmiormiut nunani allani unamminerminni danskit erfalasuannik atuisassanersut Høgni Hoydal tamanna pillugu apeqqutigaa.

Erfalasup inuiaasutsimut ilisarnaataanera erseqqissatigalugu Høgni Hoydal oqarpoq

nunarsuarmi killeqarfiit isumaarukkiartorfianni inisisimanertik qulakkeerneqanngippat pissutsit Rhodosimi pisup assigi atuuttuassasut.