Eqqusat suaat avammut tunisassiarilluarneqarsinnaapput

Sisimiut eqqaani eqqusat annertussusii naleqassusiilu Norgemiut suliffeqarfiutaata Nofimap misissuinerata kingorna tunisassiarineqarsinnaanerinut isumalluarnartoqarnerarpaa.
Allattoq Jaaku Lyberth
maajip 15-at 2009 07:39

Eqqusat suaat Japanimiunit mamarineqarluarput, nunarsuarmilu aalisapilunneqarnermi kingorna eqqusat ikileriangaatsiarsimapput.

Sisimiut eqqaanni sumiiffinni arlalinni eqqusaqarfeqarpoq eqquarniarfissaqqissoqarluni.

- Eqqusat avammut tuniniarneqarnissaannut unammilligassat arlaqarput, norgemiut suliffeqarfiat Nofima nalunaarusiaminni taamatut allagaqarput.

Eqqusat Kalaallit Nunaata imartaani nunarsuarmi imartanut allanut sanilliugu arriinnerusumik alliartortarput, taamaattumillu aaqqissuulluakkamik pisassiisarnissaq piumasaqaataassalluni. Aalisapilunneqarsinnaanerat ilimanaateqarluartoq nalunaarusiami allassimavoq. Eqqusat nutaarluinnaqqissaajutillugit, ilami suli uumasut tuniniarneqartarput, tamannalu Kalaallit Nunaannit tuniniarneqarnissaanut ajornartorsiutaasinnaasoq, Norgemiut suliffeqarfiat Nofima nalunaarusiamini taamatut allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq