Eqqusat isertitsissutaalluarsinnaagaluarput

Eqqusat nunatsinni avammut tunisassiornermi siunissami isertitsilluassutaalissagunarput. Taakku arsaasannguit kapinartunik meqqullit nunani killerni, pingaartumillu Japanimi mamartortugassatut piumaneqartaqaat.

Eqqusat suaat nunarsuatta ilaani ikiligaluttuinnartut, Kalaallit Nunaanni taamaanngilaq. Taama aviisi Ingeniøren allaaserinnippoq.

Norgemiut atuagassiaanni Fiskeriforskning-imi, allaaserineqarpoq immami uumassusilinnik ilisimatusartoq Sten Siikaukavupio nunatta sineriaani eqqusaqassutsimik ukiuni arlalinni misissuisarsimasoq.

Eqqusat qorsuit Drøbak-inik taaguutillit nunatta sineriaani amerlisarneqarsinnaalluarput.

Taamaattumik nunatsinni aalisarnermik kattuffiit suleqatigalugit eqqusaqassuseq eqqusallu nerpiisa pitsaassusii misissorneqaleruttorput.

Eqqusat avammut tunisassiarineqassappata uumatillugit, kallunneqaratik, qerisimanatik seqinertissimanatilluunniit tuniniarneqarfissaminnut apuussinnaanissaat piviusunngorsinnaanersoq siunissami tunisassiorluarsinnaanermut apeqqutaasorujussuussaaq.

Japanimiut 60.000 tonsinik ukiumut eqqusartuumapput.